Visa Scam Visa lem hmangin Australia-ah

Melbourne college lecturer Jasvinder Sidhu chu India mite Australia-a hnathawk tura hruai luttu berah puh a ni.

Australian Broad-casting Corporation chuan, "Indian te hi visa lem hmangin Autralia-ah hian hna thawk tura hruai luh an ni a, Jasvinder Sidhu chu a bultumtu a ni a, ani hian a hruai luh te hi a pawngsual ṭhin tih hriat a ni" an ti. Sidhu hian India te chu Autralia-a lut tur hian Facebook kal tlangin mi a thlem ṭhin nia hriat a ni a, visa lem siamsakin mi eng emaw zat chu a hruai lut tawh tih hriat a ni. Hna hmuhsak thei nia insawiin, $50,000 zel pek a tiam ṭhin.

ABC report chuan Sidhu hian India mi 40 vel Autralia-ah hian a hruai lut tawh a, visa lem siamsakin, hnathawkah a chhawr zui ṭhin. Hna-thawka a chhawr te hi mipat hmeichhiatna a hmanpui ṭhin bakah, a hna thawk te chu a tiduhdah hle a, hliam na tak tak tuar an awm a, mahse an sawibuai ngam lo niin an tarlang.