Turkey-a India mite him dan ngaihtuah

Istanbul Airport-a bomb puaka mi tam tak an thi hnuah India chuan Turkey-a India mi chengte himna ngaihtuahin hma a la nghal.

Turkey-a India khua leh tui harsatna tawk te tan Emergency helpline number 90-530-5671095/8258037/4123625 ruahman a ni - hei bakah hian First secretary, Embassy of India, Ankara (05303142203) chu biak pawh theih a nih thu sorkar chuan a puang.

Islamic State firfiak thihchilh bomb pai ten hian Istanbul Ataturk Airport hi Thawhlehni khan an bei a, hriat theih chinah mi 36-in nunna an chan a, mi tam takin hliam an tuar bawk.

Turkish official chuan, thi zinga a tam ber chu Turkish an ni a, ram dang mi eng emaw zat an awm tih a tarlang. Thi leh hliam zingah hian India mi an awm hriat a la ni lo a, ministry of external affairs thupuangtu Vikas Swarup chuan, Twitter-ah India mi ta tan emergency number hi a tarlang a ni.