COCSA ten IAS duhsak bikna tih tawp an duh

Union Cabinet-in 7th pay commission hmanga tura ruahmanna a siam mek chuan ngaihven a hlawh hle a, Nilaini khan Indian Police Service (IPS) te chuan thuchhuah siamin Indian Administrative Service (IAS) te nena hlawh inang lak an phut thu leh IAS te dan chungnun bikna chu tihtawp an duh thu an sawi.

Confederation of Civil Services Association (COCSA) hruaitu Jayant Mishra chuan, "Sorkar chu cilvil service te hlawh inang tlanga pe turin kan phut a, chungnung bik awm hian nghawng
ṭha lo a thlen thei a ni" a ti. COCSA-ah hian member 20 an awm a, heng mite hi 20 service hrang hrang IPS, Indian Revenue Service, Indian Forest Service, Indian Audit and Accounts Service leh Federation of Railway Officers Association te an ni.

Member pathum awmna Seventh Central Pay Commission-ah November 19, 2015 khan ngenna an lo siam tawh a, IAS officer te nena ang khata awm an phut a ni.