Mamata-in Jharkhand CM hnenah tui paihchhuah enfiah turin a ngen

West Bengal chief minister Mamata Banerjee chuan an ṭhenawm state, Jharkhand-a Damodar Valley Corporation (DVC) tuikhuah pahnih aṭanga tui tam tak paihchhuah a nih chungchanga Jharkhand chief minister Hemant Soren a bia. Dam aṭanga tui paihchhuah a nih dan chu enfiah turin a ngen.

Mamata Banerjee chuan, 'Tenughat aṭanga tui tam tak an rawn paihchhuah avang leh, hei hian Bengal chhimlama tuilian a thlen mai hlauhthawnna a awmdante chu ka sawipui a ni. Jharkhand tui paih chhuahin Bengal a ti buai a, hei hi mihring siam chawp a ni a, hma la turin ka ngen a ni," a ti. South Bengal leh North Bengal lama District Magistrate-te pawh a biak vek thu CM Banerjee chuan sawiin, ni 3/4 chhung chu fimkhur taka thil awmdan vil leh thlithlai a, chhiatna thleng a awm lohna tura hma la turin a chah tih a sawi bawk.