Vyapam scam: Home Ministry-in MP Governor bang turin a ti

Home Ministry chuan Madhya Pradesh Governor Ram Naresh Yadav chu Madhya Pradesh Professional Examination Board (MPPEB) buaina kaihhnawihah a lakah FIR thehluh a nih avangin Governor a nihna aṭanga bang turin a ti.

MPPEB-in sorkar hna thawk tur a lak tharnaa thil fel tawk lo awm, Vyapam scam avang hian Thawhlehni khan Yadav leh midang 100-te lakah FIR thehluh a ni.

FIR thehluha hming lang zingah hian candidate 88 bakah middlemen 11 an tel a, an vai hian IT Act leh Prevention of Corruption Act hnuaiah thubuai siamsak an ni.

Dik lo taka hnalak kalpui a nih dan hi Special Investigation Team (SIT) chuan a chhui mek a ni.

Hna laknaah kum 86 mi, Governor hian a letterhead hmangin candidate ṭhenkhat a recommend nia sawi a ni. Go­vernor bakah hian a fapa, Shailesh Yadav a inhnamhnawih tel nia puhna pawh chhui chian mek a ni bawk.