Parliament-ah Railway Budget 2015 pharh a ni

Railway Minister Suresh Prabhu chuan nimin khan Parliament-ah Railway Budget 2015 a pharh.

Prime Minister Narendra Modi kaihhruai NDA sorkara railway budget pharh hmasak berah hian thil danglam lian tham a awm lo a, rel chuan man tihsan a ni lo a, rel thar tlantir a ni dawn lo bawk. Hetihlai hian bungraw phurh man 10% a tihsan tum a nih vangin cement, coal, steel leh leichi mante a san phah rin a ni.
Budget pharh hmain minister hian thu a sawi a, railway facilities-te chu hun eng emaw chen ngaihthah an nih avangin hma an sawn lo a, hei hi siamṭhat a tum tih a sawi.
Railways Ministry-in kum nga chhung atana a thil tum pali, minister-in a tarlante chu-
i) Customer experience rin­tlak leh ruahmanna chang­tlung zawk siamna turin Rail­ways chuan customer kaih­hnawih thil hrang hrang- fai­na, zangkhai zawkna, service quality leh rel tlan chak danahte ngaihtuah turin hmalakna thar a siam ang.
ii) Rel chu zin veivak tana him taka siam a ni ang.
iii) Rel capacity tilianin, infrastructure pawh tihchang­tlun a ni ang. Mipuite'n rel-a zin a pawimawhzia an hriat theihna atan, Indian Railways chuan nitin-a rela veivak
ṭhin chu maktaduai 21 aṭangin
maktaduai 30-ah tihpun a tum. Hei bakah hian rel kawng thui zawng chu 20% a tipungin, km 1,14,000
aṭangin km 1,38,000 ah tihpun a ni ang a, kum khat chhunga bungrua a phurh theih pawh ton tluklehdingawn 1 aṭangin ton tluklehdingawn 1.5 ah tihpun a ni ang.
iv) Sum lama intodelhna turin, Indian Railways chuan sum tam zawk lakluh a tum dawn a, hei bakah hian a bungraw hlui tawhte thlakna turin investment a ti bawk ang. Kum nga chhungin invest­ment cheng vaibelchhe 8,50,000 siam tum a ni.
Railway Budget 2015-a tarlan ṭhenkhatte chu -
l Rel chuan man tihsan a ni lo
l Bungraw phurh man 10% a tihsan tum a ni.
l 120 day advance booking phal a ni ang
l Rel ticket lakna atan hot button, coin vending machine-te hmangin minute 5 chhunga tihfel theih a ni ang.
l March 1 aṭangin All India 24x7 helpline, '138' siam a ni ang. Security chungchang complain duh tan a thlawna biak theihna number '182' siam a ni ang.
l Adarsh Station scheme hnuaiah station 200 chuang siam tum a ni a, B catergory station-ah chuan Wi-Fi dah a ni ang.
l Rel thlan bikah hmeichhiate himna atan surveillance camera dah a ni ang.
l Rel kawng pakuaah tlan chak theih zawng chu darkar khatah km 160 aṭangin 200-ah tihsan a ni.
l Rel leh rel station-te vawnfai an nih theihna tura a hmalatu bik department siam a ni ang.