Jaishankar-a'n Pakistan tlawh dawn

Foreign Secretary S Jaishankar chu March 3 hian Indo-Pakistan talk hmang turin Pakistan-ah a zin dawn.

Jaishankar hian March 1 aṭanga ṭan tur, 'SAARC yatra' peng pakhat atan Bhutan a tlawh hmasa ang a, Bhutan aṭangin Pakistan lam a pan ang. Inbiakna neih zawhah, March 4 hian Afghanistan a tlawh leh dawn a ni.

India rama Pakistan High Commissioner-in Kashmir-a inlakhran tumtu pawlte inbiakna a neihpui avangin India chuan ram pahnihte'n foreign secretary level talk an neih tur chu a lo ṭhulh phah tawh a ni. Thla sarih zet inbiakna hi tihtawp a nih hnuin, March 3 hian an nei leh ang.