September-ah J&K Assemby inthlan neih a ni ang : Union Minister

Union minister G. Kishan Reddy chuan Jammu and Kashmir assembly inthlan chu kumin September thla hian neih a ni dawn tih a sawi.

‘Ekatma Mahotsav’ rally neihnaa thu a sawiah, Reddy chuan J&K mipuite chu hmasawnna an neihna tur leh, firfiaka chetna thleng ṭhin nuai bo a nih theihna turin BJP vote turin a sawm zui nghal a ni.

BJP election in-charge for Jammu and Kashmir ni bawk, Reddy chuan J&K tana special status pekna, Articlet 370 ṭhiah chuan J&K-ah ram danpui hman theihin a awm phah a, a ṭha lam zawnga danglamna a thlen a ni, a ti. Eptu party, a bikin Congress leh National Conference-ten J&K tana Article 370 hman leh an phut chungchang sawiselin, he Article hian an bialah thihna leh chhiatna chauh a thlen niin a sawi. Article 370 tihtawp a nih chu India ram leh J&K mipuite tana hun chhinchhiah tlak a ni, a ti. Hun rei tak an beih hnuah, J&K mipuite chu Article 370 lak aṭangin an zalen thei ta a, hmeichhiate leh khawtlang huapa thliar hran bik ni ṭhinte pawhin an dikna chanvo te an rawn nei thei ta a ni, tiin a sawi.