Bengal ṭhendarh duh lohnaah TMC leh BJP inlungrual

West bengal assembly-a an state ṭhendarh duh lohna resolution siam chu member-ten lungrual takin an pawm.

Thawhṭannia Assembly inkhawmah hian thil thleng khat tak hmuh a ni a, chief minister leh Trinamool Congress hruaitu, Mamata Banerjee chuan eptu hruaitu, Suvendu Adhikara-a'n resolution-a thu ziak dan siam ṭhat a rawtna a pawm hnuah, he resolution hi TMC leh BJP chuan lungrual takin an pawm ta a ni.

BJP hruaitu eng emaw zatin Bengal hmar lam district-ten ngaihsak an hlawh ṭha tawk lo a, hmasawnna hna thawhna tur fund pawh an dawng ṭha lo nia sawia UT emaw state emaw pek an phut thu an sawi hnuah, state assembly chuan Bengal ṭhendarh duh lohna resolution hi a siam a ni. State ṭhendarh a, special package siamsak duhtu zingah hian union union minister Sukanta Majumdar, MP Nishikant Dubey leh MLA Gouri Shankar Ghosh te pawh an tel a ni.