ED-in Lalu Prasad-te pafa lakah chargesheet thehlut

Enforcement Directorate (ED) chuan dik lo taka ram neiha puh chungchangah union railway minister hlui leh Bihar chief minister hlui ni bawk, Lalu Prasad leh a fapa Tejashwi Yadav bakah mi dang pariat lakah nimin, August 6, 2024 khan chargesheet a theh luh belh.

Chargesheet hi special judge Vishal Gogne hnenah theh luh a ni a, August 13-ah ngaihtuah a ni ang.

ED hian Central Bureau of Investigation (CBI) in FIR a theh luh aṭangin case hi a siam a ni. He case hi central-a Congress kaihhruai United Progressive Alliance (UPA) sorkar hnuaia Lalu Prasad-a union railway minister a nih lai, kum 2004-2009 inkara thleng nia sawi a ni. Railways hnuaia Group D hna laknaah dik lo taka thil kalpuiin, hna thawk tura lakten lawmmanah ram an pe nia puh a ni.