Parliament-ah Economic Survey 2015 pharh a ni.

Finance Minister Arun Jaitley chuan nimin khan Parliament-ah pre-Budget Economic Survey 2015 a pharh.

Economic Survey hi finance ministry-a chief economic adviser Arvind Subramania buatsaih a ni. Minister chuan fiscal year lo awm tura ram economy ṭhanna chu 8.1-8.5% a tlin theihna turin sumdawnna boruak ṭha zawk siam a rawt a, growth rate hi kum reilote hnuah double digit-a tlintir tuma beih an tum thu a sawi.

Sum indaihlohna chuan tlakhniam lam a pan a, kum kallai mekah sum indaihlohna chu GDP aṭangin 6.7% ni a, fiscal year tharah chuan 1% a nih theih beisei a ni.

Economic Survey 2015-15 a tarlan tlangpuite:

2015/16 GDP growth chu 8% chuang a tlin beisei a ni, double digit a la tlin chhoh thuai beisei a ni.

2014/15 chhungin thil man sangin ziaawm lam a pan a, thil man sang tlakhniamna hi 6% a tling.

Hun eng emaw chen a tlakhniam hnuah industry lamin hma a sawn.

14th Finance Commission chuan sorkar laipui sum lakluh a tihpun phah ang.

Food security hlawh­tlinna turin agriculture sector tihchangtlun a ngai.

Railways-a public investment tam zawk hawn chuan India rama thil siam­chhuaktute tan inelna lian zawk a siam dawn.

Revenue generation tihlen chu sorkar ngaihpawimawh ber a ni.

2014-15 chhunga chaw lam chi siamchhuah chu ton maktaduai 257.07 tura chhut a ni a, hei hian kum nga kalta chhunga siamchhuah chu ton maktaduai 8.5-a a khum beisei a ni.

14th Finance Commission-in transfer chungchanga rawtna a siamte chu state tinte'n an hlawkpui dawn a ni.