PMO-in minister-te information a block

Prime Minister Office chuan minister te thil neih zat tarlanna, online hmang­a mipuite an en theih ṭhin chu a block.

Kum 2010 aṭang khan union council of minister-te hausak dan, an thil neih zatte hi online-a en theih tura dah a ni. Mahse PMO chuan hei hi tidanglamin password a dah a, an phalsak chinte chauhin an en thei tawh ang.

Minister-te thil neih zat tarlanna, pmindia.gov.in hi kumin February 11 kha update hnuhnun ber a ni. Mahse hemi hnu hian mipuite'n an enzui thei lo.

National Campaign for People's Right to Information (NCPRI) member Anjali Bhardwaj chuan, "PM hian langtlang kalpui a tum thu a sawi ṭhin leh, mipuite an thil hriat duh angte hriattir a lo tiamte chu a chhunzawm duh tawh lo angah kan ngai," a ti. Hemi chungchangah hian complain-na tur pawh a awm lo tih sawiin, "PMO-a adjudicator chu chief information commissioner a ni a, mahse nikum August thla aṭang kha he post hi dah ruah avangin zualkona tur a awm lo a ni," a ti.

Parliament member-te chu lakluh an nih aṭang ni 90 chhungin an thil neih zat thehlut tura tihan ni.