Naktukah J&K CM thar atan Sayeed la lut dawn

Jammu and Kashmir Chief Minister thar atan People Democratic Party (PDP) hotu, Mufti Mohammed Sayeed chu naktuk hian lakluh a ni dawn. J&K-ah hian ṭangrual sorkar siam tur­in PDP leh BJP chuan inremna an siam a ni.

Mufti hian nimin khan Prime Minister Narendra Modi a hmu a, PM hi Pathiannia Mufti lakluh a nih hunah pawh a tel dawn a ni.

PM nena meeting an neih hnua chanchin thar lakhawmtute a kawmnaah, Mufti chuan, "BJP nen chuan J&K a sor­kar siam turin thla hnih zet inbiakna kan kalpui hnuah inremna kan siam thei ta a ni. BJP hi in­thlanah hian Jammu lamah a che ṭha a, kan party hi Kashmir lamah kan che ṭha thung. Hei vang hian thawkdun awm tak pawh kan ni," a ti.