Andhra Pradesh-ah YouTube in academy din tum

Andhra Pradesh chief minister N Chandrababu Naidu chuan an state-ah YouTube-in academy din a tum tih sawiin, state khawpui Amaravati-ah din a ni dawn tih a sawi.

Chief Minister Naidu hian YouTube global CEO Neil Mohan, Google Asia Pacific (APAC) region president Sanjay Gupta leh YouTube global vice prsident Leslia Miller te chu Thawhlehni khan online meeting a neihpui a, meeting zawh hian an state khawpuiah YouTube-in academy an din tur thu hi a puang zui a ni.

Naidu chuan YouTube academy dinna turah artificial intelligence (AI), content development, skill development leh certification programme te a awm dawn tih sawiin, tualchhung mi thiamte an thawhpui dawn tih a sawi. Andhra Pradesh chu India digital epicentre a siam an tum thu sawiin, Google leh YouTube an thawhpuina chuan rah ṭha a chhuah ngei a beisei thu a tarlang.