Maharashtra leh Gujarat-ah ruihhlo Rs.vbc.831 hu man

Gujarat Anti-Terrorist Squad(ATS) chuan Maharashtra-a Thane district-ah damdawi siamna hmun luh chhuahin, ruihhlo (liquid drug) Rs.vbc. 800 hu an man.

Gujarat-a Bharuch district-ah pawh ATS hian Nilaini vek khan liquid Tramadol Rs.vbc 32 hu an man bawk.

ATS hian thu an dawn bawhzuiin, August 5 leh 6 khan ruihhlo dap beihpui an thlak a, ruihhlo siamnaa inhnamhnawih mi pali an man tel a ni. Damdawi an mante hi Narcotic Drug and Psychotropic Substance (NDPS) Act hnuaia khapte an ni tih ATS Deputy Inspector of Police chuan a sawi.

Maharashtra-a Bhiwandi khuaa ATS team-in ruihhlo dap a Mohammad Yunus (41) a unaupa Mohammad Adil Shaik(34) te in an luhchhuahnaah hian mephedrone(MD drug) a tui (liquid) chi kg 800 a rit an man a, hei hi internation market-a Rs.vbc.800 man hu a ni. July 18 khan ATS team hian Surat khawpuia Palsana-ah ruihhlo leh a siamna hmanrua Rs vbc 51.4 hu man in, mi pathum an man tel bawk. July 29-ah Customs Department chuan Gujarat-a Kutch district-a Mundra port-ah Sierra Leone leh Niger rama thawnchhuah tur, Tramadol Tablet nuai 65, Rs vbc 110 man hu an lo man tawh bawk a ni.