SC-in Kohinoor lunghlu chungchang ngaihtuah

Supreme Court chuan Ningani khan Lunghlu Kohinoor chu United Kingdom sorkar hnen aṭanga la let leh tura hmalak a nih leh tur thu a puang.

Judge pathum Chief Justice TS Thakur, Justice AM Khanwilkar leh DY Chandrachud te chun he mi chung≠chang hi ngaihtuahin, UK sorkar hnen aṭanga he Lunghlu hi la let turin thutlukna an siam.

Lunghlu lalet leh tura ngenna hi "Heritage Bengal" chuan Court-ah a thlen a, pawl hrang hrang leh lawyer Danish Zubair Khan te chuan hming an ziak ve bawk.

Senior advocate Soumya Chakraborty chuan sorkar laipui chu he Lunghlu la let leh tura hmala tur a duh thu a sawi. Public Interest Litigation (PIL) ziahluha tarlan a nih dan chuan, India chuan kum 1947 khan Independence a hmu a, Kohinoor la let tur hian sorkar laipui chuan he lunghlu awmna dik tak India-ah laklet a nih theih nan United Kingdom sorkar-ah ngenna siam leh ni rawhse tih a inziak a ni.

All India Human Rights and Social Justice Front te chuan UK sorkar aṭanga Kohinoor laklet a nih theih nan hian PIL an lo ziak lut tawh bawk a ni.

Sorkar laipui chuan Supreme Court chu British sorkar kuta hian Kohinoor chu pek a ni nge, rukbo tih chhuichiang turin hriattirna a lo chhuah tawh. Apex court chuan Kohinoor chu khawvela lunghlu man to ber a nih thu a lo sawi ve tawh bawk.