Tamil Nadu-in tlawhtu a ngah ber

Tamil Nadu chuan kum 2015 chhung khan khualzin mi maktaduai 4.68 zet tlawhtu a nei a, domestic leh foreign tourist popularity charts-ah a zawna kum hnihna atan pakhatna a hauh leh ta.

TN hian Maharashtra, Goa leh Kerala te a khum a, tourism ministry data-a tarlan a nih dan chuan kum 2015 chhung khan India chuan khualzin tlawhtu mi maktaduai 333.5 a nei a ni. Pahnihna hauhtu Maharashtra chuan he tih chhung vek hian ram dang aṭanga tlawhtu maktaduai 4.41 a nei a ni. Khawvel huap pawha lar Taj Mahal awmna Uttar Pradesh chuan khualzin hi maktaduai 3.1 zet a nei ve bawk. Delhi chu palina niin khualzin maktaduai 2.38 tlawhtu a nei. West Bengal (1.49 maktaduai), Rajasthan (1.48 mtd), Kerala (0.98 mtd), Bihar (0.92 mtd), Karnataka (0.64 mtd) leh Goa(0.54 mtd) te chu thlawhtu nei tam state an ni.

Heng state 10 te hian kum 2015 chhung khan ram dang khualzin an neih zat hi 88.4% a tling phak a, India tlawhtu hi kum hmasa aiin maktaduai 23.3 (4.4%) in an pung a ni. Ram chhung khualzin neih tam lamah pawh Tamil Nadu hi sang berin, Uttar Pradesh (204.9 mtd), Andhra Pradesh (121.6 mtd), Karnataka (119.9 mtd), Maharashtra (103.4 mtd), Telangana (94.5 mtd), Madhya Pradesh (78 mtd), West Bengal (70.2 mtd), Gujarat (36.3 mtd) leh Rajasthan (35.2 mtd) te a sang sawm zingah an lang a ni.