Vawiinah PM Modi leh India infiam mite inhmu dawn

India ram aiawha Olympic Games Rio de Janeiro, Brazil-a tel tur infiam mite leh Prime Minister Narendra Modi te chuan vawiin hian inkawmhona an nei dawn. Olympic Games hi August 5-21 chhung hian neih tur a ni dawn a, India infiam mite chu Modi hian a titipui dawn a, duhsakna a hlan rin a ni. Modi hi India aiawh turte nen hian Manekshaw Centre, New Delhi-ah an inkawm ang a, he hunah hian sports discipline 13 aṭangin infiam mi 100 te chu an kim hle tura ngaih a ni. kumin hi Olympic Games-a India-in infiam mi a tirh hnem ber ṭum a ni dawn a, 2012 London Olympics-ah khan infiam mi 83 a lo tir tawh a ni.