Ramri-ah venhimna tikhauh

Bangladesh khawpui, Dhaka-a pawikhawihna rapthlak tak a thlen avangin West Bengal-a Bangladesh ramri-ah Border Security Force (BSF) ten khauh zawka venhimna kalpui dan tur an ruahman.

BSF senior official, Suresh Kumar chuan ramri vengtu, BSF-te chuan ramri hung leh hung loh chinte pawh uluk takin an veng a, tuipui lamah pawh venhimna khauh taka kalpui a ni, a ti. Tuipuiah hian sipaiten speed boat leh lawng dang hmangin India rama dan loa luh tumte ven hna an thawk reng niin a sawi.

West Bengal-ah hian Bangladesh leh India ramri km 4096 zinga km 2216-a thui a awm a, BSF-te chuan ramri ven hna an thawhnaah hian ramri chhehvela cheng police-te chu pui turin an sawm bawk.