UP-ah Apna Dal leh BJP inchhunfin

Uttarakhand-ah tuilianin chenna in 70 chuang a lenchhia a, mi 18 an thih bakah ranvulh tam tak an thi bawk.

Ruahsur nasa avanga tuilian tuarte chhanchhuah hna hi army, paramilitary leh police ten an thawk a, chin hriat lohin mi eng emaw zat an awm.

Disaster Mitigation Centre chuan Bastadi leh Nauleda khua, Pithoragarh district-ah ruang pathum hmuh belh leh a ni thu a sawi a, heng mite nen hian tuilian vanga thi hi mi 18 an tling tawh a ni.

President Pranab Mukherjee chuan Governor KK Pual hnenah an state-a tuilian vanga nunna chan an awm chu pawi a tih thu leh a tuarpui thu a thawna, Congress President Sonia Gandhi pawhin Chief Minister Harish Rawat chu telephone-a biain, an state dinhmunte a zawt chiang bawk.