J&K-a inbeihnaah sipai 2 leh civil mi 1 thi

Jammu and Kashmir-a Anantnag district-a firfiak leh sipaite inbeihnaah sipai pahnih leh civil mi pakhat an thi.

Inrinni khan sipaite hian Kokernag belt-a Ahlan Gagarmandu ramhnuaiah firfiak an awm tih thu an dawn bawhzuiin beihpui an thlak a, local police-ten an ṭawiawm a ni. Firfiakte hian sipaite hi lo beiin an inkap zui a ni. An inkahnaah hian sipai paruk leh civil mi pahnihten hliam an tuar a, damdawi-ina kalpui an nih hnuah sipai pahnih Havildar Dipak Kumar Yadav leh Lance Naik Praveen Sharma te chu reilote hnuah an thi a, civil mi hliam zinga pakhat chu nimin zing khan a thi ve leh a ni.

Official-te chuan inbeihna hmunah sipai tirh belhin, firfiakte lakah beihpui thlak chhunzawm a nih thu an sawi. Nimin khan Kishwar district-a Paddar Batam Bridge area-ah sipai leh firfiakte hi an inkap zui leh a ni.