Manish Sisodia-a'n AAP campaign a ho dawn

Delhi chief minister leh Aam Aadmi Party (AAP) national convenor, Arvind Kejriwal chu jail-a a la tan avangin, Delhi leh Haryana assembly inthlan neih turah deputy chief minister hlui, Manish Sisodia chuan AAP campaign a ho dawn.

Delhi excise policy kaihhnawiha eiru leh sum chheprelha puh, Sisodia hi hun rei tak jail-a tantir a nih hnuah Supreme Court chuan kar liam ta Zirtawpni khan bail-in a chhuah a ni.

Kum 52 mi, Sisodia hian nimin tlai khan a chenna inah AAP hruaitute a hmu a, assembly inthlan neih tur atana campaign dan turte an sawi ho a ni. Haryana assembly inthlan hi kumin kumtawp lamah buatsaih rin a ni a, assembly seat 90 awmnaah hian AAP chuan seat zawng zawngah chuh an tum tih an puang. Constituency 70 awmna Delhi assembly inthlan hi nakkum kumtir lamah neih a ni dawn nia sawi a ni bawk.