PM Modi-a'n a zawnin I-Day speech vawi 11 a sawi dawn

Prime minister Narendra Modi chuan August 15, 2024-a India Independence Day lawmnaah Red Fort aṭangin ram mipuite hnena thu chah a sawi leh dawn a, hei hi a zawna I-Day-a thu chah a sawi vawi 11-na tur a ni. Prime Minister zingah Jawaharlal Nehru leh Indira Gandhi hnua hetiang dinhmun thleng thei hmasa ber tur a ni ang.

Jawaharlal Nehru khan I-Day lawmnaah a zawnin ṭum 17 thu a sawi a, a fanu Indira Gandhi khan ṭum 16 thu a sawi bawk a, mahse a kum zawn chuan ṭum 11 a sawi a ni. January 1966 - March 1977 chhung khan prime minister niin, a hnuah January 1980 - October 1984 ah a ni leh bawk.

Prime Minister hian ṭum 10 chhung I-Day speech sawi thei PM hlui Manmohan Singh a lehpel thei dawn a ni. Modi hian kum 2014 khan a Independence Day speech hmasa ber hi a sawi a, hemi ṭum hian programme thar Swachh Bharat leh Jan Dhan account-te a puang nghal a ni.

Modi-a'n Independence Day-a thu a sawi hi chawhrualin minute 82 chhung zel ang a ni a, PM lo ni tawh dangte aiin a rei a ni. Chhinchhiah danin Independence Day-a prime minister-te thusawi hi a rei chho telh telh a ni. Nehru-a'n 1947-a I-Day speech hmasa ber a sawi kha minute 24 chhung chauh a ni. Modi-a hmaa thu sawi rei ber chu kum 1972-a Indira Gandhi thusawi kha niin, minute 54 chhung a sawi.