Bihar temple-a inpawngnekna thlengah mi 7 an thi

Bihar-a Jehanabad district-a Baba Siddhanath temple-ah nimin khan inpawngnekna thlengin mi pasarih an thi a, mi dang 35 an hliam.

Temple hi Makh­dumpur block-a Vanavar Hill-a awm a ni a, nimin khan an thla thianghlim, Swan thlaa Thawhṭanni vawi lina a ni a, mi tam tak temple-ah hian an kal a ni. Ruahmanna fel fai tak a awm loh avang leh, NCC (National Cadet Corps) volunteer-ten pungkhawmte thununna atana tiangte an lek avangin mipuite hi an innek buai ta nia sawi a ni. Hliam tuar zingah dinhmun ṭha lo tak tak te an awm avangin thi zat pawh hi an la pun chhoh a rinawm.

Bihar chief minister Nitish Kumar chuan temple-a inpawngnekna a thleng chu pawi a tih thu sawiin, thi chhungte hnenah zangnadawmna Rs nuai 4 ṭheuh leh, hliam tuarte hnenah Rs 50,000 ṭheuh pek an nih tur thu a sawi.