J&K CM thar atan PDP hotu Sayeed

Jammu and Kashmir-a BJP-PDP ṭangrual sorkar chu nimin khan lakluh a ni a, Peoples Democratic Party (PDP) hotu Mufti Mohammad Sayeed chu Chief Minister atan lakluh niin, a rual hian PDP leh BJP member 12 ve ve chu minister atan lakluh an ni.

Venhimna khauh tak hnuaia CM thar lakluh inkhawm hi Prime Minister Narendra Modi pawhin a hmanpui. PM bakah an party hruaitu dang L K Advani, Murli Manohar Joshi, party President Amit Shah leh General Secretary Ram Madhav-te pawh an tel.

PDP leh BJP hi ṭang­rual sorkar siam tum hian hun rei tak an inbia a, J&K special status pekna, Article 370 chung­changah inremna an siam mai thei lo a ni.

Sorkar thar lakluh a nih tak avangin J&K-a ni 49 chhung Governor's Rule lo hman tawh pawh tihtawp nghal a ni. Sorkar thar lakluh inkhawm hi eptu pawl National Conference chuan a boycott a, Congress hruaitu tam zawk pawh an tel lo.