DRDO-in India siam anti-tank missile enchhin

Defence research and development organisation (DRDO) chuan nimin khan India rama a siam, Man-portable anti-tank guided missile (MP-ATGM) chu hlawhtling takin a en chhin.

Anti-tank missile hi Jaisalmer, Rajasthan-a field fire range-ah enchhin a ni. MP-ATGM hi ken sawn mai theih, shoulder-launched missile system niin, hmelmate tank leh sipai motor te kap chhe thei tura duan a ni. Chhun leh zana hmantheih tura duan niin, dual mode seeker a ni.

MP-ATGM system-ah hian missile bakah launcher, targeting system leh fire control unit a tel a ni. A hma in a rintlak dawn em tih hi ṭum eng emaw zat enchhin a lo ni tawh a, heng test hrang hrangah hian Indian Army-te duh dan ang pawh a tling thei zel a ni.

Defence minister Rajnath Singh chuan hlawtling taka anti-tank missile enchhin a nih hnuah DRDO leh Indian Army chu fakin, defence system lama intodelh tura hmasawnna ropui tak a nih thu a sawi.