Congress-in state 5-a hruaitute a thlak

Congress Party chuan thla leha AICC session neih turah Rahul Gandhi chu party president-ah a hlangkai dawn nia sawi a ni a, party hotu lu ber thlak a nih hmain state panga-a hruaitute thlak phawt an ni.

Party general secretary Organization, Janardan Dwidevi chuan, "Congress President Sonia Gandhi-in Pradesh Congress Committee President thar panga leh Regional Congress Committee President thar pakhat a ruat a ni," a ti.

Delhi unit hruaitu hna chu Ajay Maken kutah dah a ni a, Maharashtra chu Ashok Chavan-a kutah, Jammu and Kashmir hruai­tu atan Ghulam Ahmed Mir, Gujarat hruai­tu atan Bharatsinh Solanki leh Telangana hruaitu atan Uttam Reddy-te dah an ni. All India Congress Committee secretary Sanjay Nirupam chu Mumbai Regional Congress Committee President atan ruat a ni bawk.