VIP culture hi ka duh ve lo: Maha CM

Maharashtra Chief Minister Devendra Fadnavis chuan a kalna tur kawng kian tura traffic police-te'n motor tlan laite an dintir tukah mipuite harsatna a thlen avanga pawi a thi thu a sawi a, VIP culture chu a duh ve loh thu a sawi.

Mumbai-a NSCI club-ah CM hian Pathianni khan function a hmanpui a, function neihna pawnah traffic police-te chuan CM motor leh a zuitute kaltlang hma chu public vehicle-te chu an lo dintir a ni.

CM Fadnavis chuan, "Police te'n ṭul lo taka motor an lo tihdin te zawng zawng chungah thupha ka chawi a ni. State chhung mipuite chuan VIP culture ka duh lo tih an hria a, traffic signal a zirin ka ding ve mai zel tih pawh min hmu reng ṭhin a ni," a ti.

NSCI hmuna thil thleng chu chhuichian tir a tum thu sawiin, Fadnavis chuan emergency emaw, mipuite himna atana thil hlauhthawnawm­te a nih loh chuan police-te chuan mipuite kal vel chu harsatna an siam tur a ni lo tih a sawi.