Foreign Secretary-in Bangladesh a tlawh

Foreign Secretary S Jaishankar chuan 'SAARC Yatra' hmanga group member-te nena inzawm­na ṭha zawk siam tura a hmalakna peng pakhat­ah nimin khan Bang­ladesh a tlawh.

Bangladesh Foreign Secreary Shahidul Haque chuan Hazrat Shahjalal International Airport-ah Jaishankhar hi a lo hmuak.

Foreign office-a an inkawm hnuah, Jaishankar hian Bangladesh Foreign Minister AH Mahmood Ali leh Prime Minister Sheikh Hasina-te a kawm leh bawk.

Nimin vek khan Dhaka aṭangin Bhutan lam a pan a, vawiin hian Pakistan-ah kalin, heta aṭang hian Afghanistan-ah a kal leh ang.

Nikuma SAARC summit, Kathmandu-ah neihah khan member ramte'n transport lama thawhhona tur engmah an siam lo a, hei vang hian India chuan a bikin Bangladesh, Nepal leh Bhutan-te chu transport lama thawhdunna tura inremna siampui tumin a bei mek a ni.