Mumbai beihnaa mawhphurtu tanna hmun a nuam

Kum 2008-a Pakis­tan firfiakte'n Mumbai khawpui an beihnaa a mawhphurtua puh, Lash­kar-e-Taiba hotu Zakir-ur-Rehman Lakhvi chu jail-ah dah a ni tawh a, mahse a tanna hmunah hian nuamsa taka awmtir a ni.

Lakhvi hi Pakistan, Rawalpindi-a Adyala Jail-ah dah a ni a, a thurualpui mi parukte nen jailer office bulah room hran vek an nei. Lakhvi hian a tanna pindah hian television leh mobile phone te a nei a, internet pawh a hmang thei vek bawk. Nitin tlawhtu eng emaw zat a nei thei bawk a ni.

Jail official chuan Lakvhi hian chhunah leh zanah pawh tlawhtu a duh zat zat a nei thei tih a sawi a, a tlawh duhte tan pawh special permission lak kher a ngai lo tih a sawi. Chawh rualin ni khatah tlawhtu 100 vel a nei a, a private quarter-a an inkawm lai pawhin guard-te'n an veng ngai lo a, an duh chen chen an awm mai niin a sawi.

India official-te'n Mumbai beihnaah Lakhvi hi mawhphurtua an puh aṭang ni li hnu, kum 2008 December 7 khan Pakistan chuan Lakhvi hi manin jail-ah a dah a ni.