Delhi : Lt. Governor-in flag pawt parh turin Home minister ruat

Delhi lieutenant governor VK Saxena chuan vawiina Delhi sorkarin Independence Day a lawmnaa hnam puanzar pawh parh turin Delhi home minister Kailash Gahlot a rawt.

Delhi chief minister Arvind Kejriwal chuan Delhi sorkarin Independence Day a lawmnaah hian hnam puanzar a pawt parh ṭhin a, mahse CM hi Delhi excise policy kaihhnawihah lung-ina a tan mek avangin, a aia flag pawt parh tur hiah Gahlot hi ruat a ni ta a ni.

Lieutenant Govenor secretary Ashish Kundra chuan chief secretary Naresh Kumar hnenah LG-in Gahlot a ruat chungchang hi ziakin a hriattir a, "LG chuan 'The Ordinance amends the Government of National Capital Territory of Delhi (GNCTD) Act, 1991' in thuneihna a pek angin Home Minister Gahlot chu Delhi a Chhatrasaal Stadium-a I-Day lawmna turah hnam puanzar pawt parh turin a ruat a ni," a ti.

CM Kejriwal hian kumina I-Day lawmnaah a tel theih dawn loh avangin a lawmnaa hnam puanzar pawt parh tur hian minister Atishi a duh thu a lo sawi tawh a ni. Mahse Lt Governor chuan heihi hnawlin, I-day lawmnaah hian hnam puanzar pawh parh zawhah Delhi Police-ten ceremonial march-past parade in bul an ṭan dawn a, hei vang hian Home department enkawltuin hnam puanzar a pawh parh hi in hmeh zawk a ni, a ti.

LG thutlukna siam hi AAP pawhin an pawm a, " August 15-a hnam puanzar pawt parh tura Delhi Home Minister Kailash Gahlot ruat a ni chu a in hmeh hle. Mipuite an aiawh atana an thlan tlin ngei ruat a ni hi democracy kalphung zahna lantirna a ni a, sorkar inrelbawlnaa mipuite pawimawhzia tihnghehna a ni," tiin an sawi.