April-ah Rahul Gandhi Congress President-ah hlangkai dawn

April thla hian Cong­ress thuneitu sang, All India Congress Commitee (AICC) session neih a ni dawn a, hemi hunah hian vice president nilai, Rahul Gandhi chu party president-ah hlankai a ni ang.

Congress party chuan AICC session hi March 28 leh April 15 inkar hian neih a tum a, party president hi thlakin, president ṭanglai Sonia Gandhi chu Congress parliamentary party chairperson-a dah rin a ni.

Party hruaitu tam zawk chuan Rahul Gandhi hi president-a hlankai vat an duh a, hruaitu pahnih- Rahul leh Sonia-te awmkawp chuan thutlukna siam kawngah harsatna a siam phah zawk niin an ngai.

Sonia Gandhi pawhin party hruaitu atana a fapa, Rahul Gandhi dah hi a thlawp a, an party chuan centre-a thuneitu pahnih an dah ṭhin chu an kalsan a hun tawh tih a sawi.