MP-te'n Nadda bang turin an phut

Parliament member ṭha­hnem tak chuan Union Health and Family Welfare Minister JP Nadda chu kar kaltaa All India Institute of Medical Sciences (AIIMS)-a kangmei chhuak chhuina a tihkhawtlai avangin minister a nihna aṭanga bang turin an phut.

Kar kalta Inrinni zing dar 3 vel khan AIIMS top floor, administrative block, legal section-ah kangmei a chhuak a, kangmei chhuakah hian information pawimawh tak tak dahna computer eng emaw zat a kang chhia a ni. Kangmei chhuak vang hian thi leh hliam an awm lo.

Kangṭhelhtute'n theih­tawp chhuaha ṭhelhin, zing dar 6.40 ah an ṭhelh mit thei a, hmun dang a kangkai hman lo. Kangmei chhuah chhan hi hriatchian a la ni lo.

CPI(M) Rajya MP TK Rangaraja chuan AIIMS-a kangmei chuak chu record tihchhiat tuma tihluih a nih thu a sawi.