National party-te fund hmuh pung a tam
Association for Democratic Reforms (ADR) leh National Election Watch-te'n report an tihchhuah tharah, Lok Sabha inthlanpui neih dawna national party-te fund hmuh chu kum sawm kalta chhungin a let nga zetin a pung tih an sawi.
Kum sawm kalta chhunga fund hmuh hi a let nga zetin pung mah se, party hrang hrangte sum hmanchhuah hi a let li-in a pung bawk a ni. Report hi party-te'n Election Commission-a poll expenditure statement an thehluh behchhana siam a ni.
Lok Sabha inthlan ṭum thum neih taka national party-te sum hmuh zat chu cheng vaibelchhe 2,237.28 a tling. Heng zingah hian BJP in Rs vbch 1,171, Congress-in Rs vbch 778.49, BSP-in Rs vbch 110.45, NCP-in Rs vbch 90.95, CPM-in Rs vbch 66.27 leh CPI-in Rs vbch 19.74 an hmu.
Kum 2014 Lok Sabha inthlanah khan national party-te hian cheng vaibelchhe 1,158.59 an hmang ral a, kum 2004 inthlanpuiah khan an sum hmanral zat chu cheng vaibelchhe 223.8 a ni.
2014 Lok Sabha inthlana national party-te sum hmanral zingah hian media advertisement-ah cheng vaibelchhe 661.26, public meeting atan Rs vbch 126.94 leh publicity material atan Rs vbch 70.77 an hmang.
BJP chu sum hmang tam ber niin, media advertisement atan cheng vaibelchhe 342.36, public meeting atan Rs vbch 89.56 leh publicity material atan Rs vbch 31.35 a hmang.