Union minister Danve a bang dawn

Maharashtra BJP president Raosaheb Danve chuan Union minister of state for consumer affairs, food and public distribution a nihna aṭanga a banna lehkha vawiin hian thehlut a tum.

Nimina Mumbai-a chan­chin thar lakhawmtute a kawm­naah, Danve chuan state chhunga party enkawl tura insawrbing a duh avang­in union minister a nihna aṭanga ban a tum thu a sawi.

"Mi pakhat-in post pakhat tih policy kan kalpui a, hei vang hian minister ka nihna hi kalsanin, party enkawl turin ka inpe zawk dawn a ni," a ti.

Danve hian Maharashtra Chief Minister atana state BJP president Devendra Fadnavis lakluh a nih hnuah party hruaitu hna hi a chelh a ni. Kum 1999 khan a vawi khatna atan Lok Sabha member atan thlan tlin a ni a, term li thlan tlin a ni tawh.