Zalenna sualtute pension atan Rs vbch 705.45 pe

Sorkar laipui chuan India ram zalenna sualtute (freedom fighter) leh an thlahte hnenah kumin January thla thleng khan pension, cheng vaibelchhe 705.45 pek a ni tawh tih a sawi.

Nimina Rajya Sabha inkhawmah, Minister of State for Home Kiren Rijiju chuan kum 2013-14 inkar khan freedom fighter leh an thlahte tan Swatantrata Sainik Samman Pension Scheme hnuaiah cheng vaibelchhe 826.11 pek a ni tih a sawi.

Kumin January 1 thleng khan freedom fighter pensioner hi 11,434 an awm a, family pension la 24,466 an awm bawk. Freedom Fighter pensioner zinga 2,519 chu Telangana state a mi niin, Maharashtra-ah 1,494, Bihar-ah 1,436 leh West Bengal-ah 1,294 an awm.

Family pension la zinga 4,316 chu West Bengal-a mi an ni a, Telangana-ah mi 3,133, Maharashtra-ah 2,638 leh Bihar-ah 2,366 an awm bawk.