Maha loneitute'n Dec 21-ah Delhi pan dawn

Farm law duh lohna lantira loneitu pawl hrang hrangte nawrh huaihawt mek thlawpna lantirin, December 21 hian Maharashtra-a loneitu 3,000 chuang chuan Delhi an pan dawn. 

All India Kisan Sabha Maharashtra chapter chuan kar leh Thawhṭanni zingah Nashik-ah vantlang inkhawm buatsaihin, tlai lamah hemi hmun aṭang hian kawngzawh runpui hi an nei dawn tih a tarlang. 

Loneitute hian tempo, truck, bus leh car  hmangin Delhi hi an pan dawn a, state chhunga political party hrang hrang pawhin an thlawp tih an sawi. An kawng zawh tur hi km 1,300-a thui a ni a,  nawrh huaihawtna thlawpna lantira atana Maharashtra loneituten Delhi an panna hmasa ber tur a ni.