ISRO-in CMS-01 Communication Satellite kap chhuak

India chuan Ningani khan communication satellite CMS-01 chu hlawhtling takin an kap chhuak a, hei hi kumina communication satellite an kah chhuah pahnihna leh a tawpna ber tur a ni.

CMS-01 hi ISRO hian polar satellite launch vehicle, PSLV-C50 hmangin Sriharikota aṭangin an kap chhuak a, ISRO Chairman K Sivan chuan an hlawhtling hle tih sawiin Mission Control Centre-a thu a sawinaah PSLV-C50 chuan hlawhtling takin CMS-01 communication satellite chu sub-Geosynchronous Transfer Orbit-ah a dah fel tih a sawi a, ni li hnuah  GTO-a a awmna turah dah a ni leh dawn tih a sawi bawk.

Sivan chuan commu­nication satellite GSAT-12 thlaktu tur a nih thu sawi bawkin GSAT-12 hi kum 11 liam taah khan an kap chhuak a ni.  CMS-01 hi chu kum sarih a hman theih dawn niin ISRO chuan an sawi.