Vauna a tawh vangin Hazare venhimna tikhauh

Eiruk dotu, Anna Hazare chu Canadian NRI tia inchhalin Facebook kaltlanga thaha a vau avangin Maharashtra sorkar chuan Nilaini khan Hazare in leh office-ah venghimtu a dahbelh.

State sorkar chuan Ahmednagar district-a Ralegan Siddhi-a Hazare-a in leh office pawn lamah metal detector a dah thar a, hei bakah hian venghimtu police pali a pek belh bawk.

Hazare-a office hian Kalyan, Mumbai-a Mahatma Phule police station ah complain a lo thehlut tawh a, February 24 leh 25 khan Fabebook-ah Hazare vau a nih thu Maharashtra DGP pawh an lo hrilh tawh bawk a ni.

February 24 khan Hazare-a thawhpui hnai tak, Ashok Gautam-a Facebook page-ah Gagan Vidhu, Canada-a cheng mek nia insawi chuan Hazare a tihhlum tur thu hi a sawi a ni. A tukah pawh Vidhu hian sawi nawn lehin, India rama kal thuai a, modern Gandhi (Hazare) a kahhlum tur thu a sawi.

Hazare chuan tun hma pawhin vau a tawk fo a, tun ṭuma vauna a tawh pawh hian a tihlau hran lo tih a sawi.