Maha sorkarin Muslim quota a titawp

Maharastra sorkar chuan an state chhunga bawng talh leh a sa zawrh a khap hnuah, zirna in leh sorkar hnaa Muslim quota, 5% a dah chu a titawp leh. Hei hi eptu pawlte chuan nasa takin an sawisel nghal.

Chief Minister Devendra Fadnavis kaihhruai, BJP-Sena sorkarin nimina Government Resolution (GR) a ti­chhuak a, kum 2014-a NCP-Cong­ress sorkarin Muslim tana reservation a pek chu tihtawp a nih thu a sawi.

GR hi State Minority Affairs Department tihchhuah a ni a, State Minority Affairs Minister Eknath Khadse chuan sorkarin quota chung­changah hian thutlukna mumal tak a siam theih loh avang­in titawp a ni tih a sawi. Hemi rual hian he quota hnuaia zirna in leh sorkar hnaa lo lut tawhte chu tihtawpsak an ni tawh dawn lo tih a sawi bawk.

Eptu pawl, NCP leh Congress chuan sorkar thutlukna siam thar hi an sawisel nasa hle a, Chief Minister hlui leh State Congress president Ashok Chavan chuan hemi chungchang avang hian vawi­inah meeting a ko nghal bawk. NCP thupuangtu Nawab Malik pawhin an state sorkar chu RSS headquarters aṭanga rorelsak a ni tih a sawi.