AAP tan ka thawk zel ang: Yogendra

Party hotu lu ber leh an kalphung a sawisel avangin Aam Aadmi Party (AAP) in party rorel­tu sang, Political Affairs Committee (PAC) aṭanga a ban, Yogendra Yadav chuan an party tan a thawh chhun­zawm zel tur thu a sawi.

Yogendra leh AAP founding member zing a mi, Prashant Bhushan-te chu party kalphung an sawisel avangin PAC member an nihna aṭangin paih an ni.

Yadav chuan, "Ram chhung hmun hrang hrang aṭangin AAP member min thlawptu tam takte thu thawn pawh ka dawng reng a ni. Member-te chu AAP ah an rinna nghat ngam chhunzawm turin ka chah duh bawk. Kan party din a nih chhante kan tihhlawhtling zel ang tih ka tiam duh a ni," a ti.

PAC member aṭanga paih an nih chungchangah party-in thutlukna a siam a, sawi zui zel a duh loh thu a tarlang bawk. AAP chuan langtlanga thil a kalpui dante a la hloh lo a, lo sawihnâwm mai tur a ni lo tiin Yadav chuan a sawi.