CCEA-in highway project paruk a pawm

Prime Minister Narendra Modi kaihhruai Cabinet Committee on Economic Affairs (CCEA) chuan stata panga-a siam tur, four lane highway project paruk a pawm.

Highway project hi Himachal Pradesh, West Bengal, Uttar Pradesh, Odisha leh Madhya Pradesh-a kalpui tur a ni. He project hnuaia kawngpui siam tur hi km 712 a thui niin, a senso-ah cheng vaibelchhe 12,646 ruahman a ni.

Project hi National Highways Development Project hnuaiah Engi­neering, Procurement and Construction mode hmanga thawk an ni ang.

CCEA chuan PDS Kerosene and Domestic LPG Subsidy Scheme chu kum khat dang pawhsei a remti bawk. He scheme hnuaiah hian sorkar laipui chuan LPG cylinder kg 14.2-ah Rs 22.58 leh PD kerosene litre khatah Rs 0.82 subsidy a pek a ni.