Ram pathum tlawh turin PM a zinchhuak dawn
Prime Minister Narendra Modi chu ram pathum- Seychelles, Mauritius leh Sri Lanka ramte tlawh turin March 10 hian a zinchhuak dawn.
Kum 2015-a rampawn lama a zinchhuahna hmasa ber turah PM hian March 10-14 chhungin ram pathumte hi a tlawh dawn a ni.
March 11-ah Seychelles-ah Modi hian an ram President James Alexis Michel chu kawmin, ram pahnihte tuipui lama thawhdunna tihchak dan turte a sawipui bakah a, hmasawnna tura hma lak dante an sawidun ang. March 12 hian Mauritius Prime Minsiter Sir Anerood Jugnauth chu meeting a neihpui dawn a, Mauritius-in National Day lawmna a neihah khuallian a ni bawk ang.
March 13 leh 14 hian Sri Lanka tlawhin, Prsident Maithripala Sirisena leh hruaitu dangte a kawm ang. PM Modi-a'n Sri Lanka a tlawh tur hi ram pahnihte inlaichinna siamṭhatna kawnga thil ṭangkai tak a ni dawn niin external affairs ministry chuan a sawi.