Chief of Defence Staff-in Ladakh buaina Remchanga hman tum lo turin Pakistan vau

Chief of Defence Staff General Bipin Rawat chuan Ladakh-a China nena ramria buaina an neih mek chu remchangah lo hman tum lo turin Pakistan a vau lawk. Pakistan chuan thil tih dik loh a neih chuan a tuar nasat hle tur thu a awi bawk. 

Gen Rawat chuan, "Kan ram hmarlam ramria buaina awmte chu  Pakistan-in remchangah lo hmangin, harsatna min siamsak a tum thei a ni.  Hei vang hian hemi kaihhnawih Pakistan-in thil dik lo tih a tum lohna turin kan inven lawk a ngai a,  an thil tumah an hlawhtling dawn lo bawk a ni. Thil ṭha lo zawnga chet an tum chuan an tuar nasa zawk dawn hle a ni," a ti. 

India leh China hi ramri chung changah an buai fo a, tun hnaiah Ladakh-ah ram pahnih sipaite inkara inbeihna te thlengin, an inkar boruak hi a ṭha lo zual hle a ni.