AAP hotuin party tihchhiat tumah Prashant Bhusan a puh

Aam Aadmi Party (AAP) kalphung leh an party lu ber, Arvind Kejriwal a sawisel avang party thuneitu sang, party Political Affairs Committee (PAC) member a nihna aṭanga paih, Prashant Bhusan chu an party tihchhiat tumah puh a ni.

AAP hruaitu, Ashutosh chuan Bhusan hian a hma aṭangin an party tichhia a, party hotu Kejriwal-a paihthlak a tum niin a sawi. Hemi chung­chang hi mipui vantlang hriatah an puangzar duh lo niin a sawi bawk.

Ashutosh chuan, "Nikum August-September thla vel khan Prashant Bhusan hian Arvind Kejriwal-a chu lehkha a thawn a, party hotu a nihna aṭanga bang a, a aiah Yogendra Yadav dah a nih loh chuan press conference buatsaihin kan party tihchhiat vekah a lo vau tawh a ni," a ti.