Leimin vangin J&K national highway khar a ni
Jammu and Kashmir-ah chuan kar kalta Inrinni zana ruah a sur leh avangin hmun tam takah lei a min a, hei vang hian km 300-a thui Srinagar Jammu National Highway chu nimin khan khar chhunzawm a ni.
Traffic Department thupuangtu chuan khaw chin awmdan zirtute'n ni hnih dang khua a la chhe chhunzawm dawn tih an sawi avangin kawngpui hi khar chhunzawm a la ngaih a rin thu a sawi.
Leimin vangin J&K national highway hi ni nga chhung khar a ni tawh a, Srinagar International Airport official pawhin nimin khan khua a chhiat vangin thlawhtheihna pawh engmah lut leh chhuak an awm lo tih a sawi.