Journalist lar Vinod Mehta a thi

Journalist lar, Outlook Magazine editorial chairman Vinod Mehta chu hun rei tak a nat hnuin nimin khan New Delhi ah a thi.

Kum 72 mi, Vinot Mehta hi Outlook magazine founder leh Editor-in-Chief a ni bawk a, a taksa peng hrang hrang ṭhat loh avangin All India Institute of Medical Sciences (AIIMS) ah hun eng emaw chen enkawl a nih hnuin a thi ta a ni.

Mehta hi chanchinbu hrang hrangah editor a lo ni tawh a, heng zingah hian Pioneer, The Sunday Observer, The Independent leh The Indian Post te a tel.