BJP-in Assembly inthlan awm tur atana ṭul leh pawimawh sawi ho

Election Commission-in Haryana leh J&K assembly inthlan neih hun a puan hnuin, BJP chuan Inrinni khan inthlan lo awm tur atana buaipui ngai leh ṭulte ngaihtuah in meeting an nei nghal.

Meeting hi Party chief JP Nadda chuan kaihruaiin, national office bearers leh state president-te ṭheuh an tel a ni. Meeting-ah hi Shyama Prasad Mukherjee leh Party dinchhuaktu mi pawimawhte zahna hlan a nih hnuah, Nadda leh union home minister Amit Shah leh mi pawimawh dangten thu an sawi. An thil rel ber chu party member lakluh runpui neih, party president thar thlan leh assembly inthlan lo awm tur atana party dinhmun tih chak tharte a ni.

Kal khawm zinga party hruaitu, national general secretary leh state president-te hnenah hian party member pun theihna tur leh inkaihhruaina mumal a awm theih dan turte uluk taka hrilh an ni a, member a tam thei ang ber neih belh zel leh intlawh chhuahin rah ṭha tak a chhuah dante pawh sawi ho a ni bawk.