Rampumah swine flu vanga thi 1370 tling tawh

Ramchhung hmun hrang hrangah swine flu leng mek vanga thi chu Pathianni thleng khan mi 1370 an tling tawh a, mi 25,000 chuangin he hrileng mek hi an vei tih finfiah a ni tawh bawk.

Union Health Ministry-in data a lakhawmah, swine flu vanga thi tamna ber chu Gujarat state niin mi 322 in an thihpui tawh a, a hri vei hi mi 5,521 an awm bawk. Rajasthan-ah hrileng vangin mi 321 an thi a, mi 5,949 in an vei tawh a ni.

Delhi-ah chuan tun hnai­a ruah a sur avang­in health official-te chuan hri hi a darh chak an hlauhthawng hle. Delhi-ah hian swine flu vang hian mi 10 an thi tawh a, mi 3,438 in an vei bawk.