US-a India ambassador atan Arun Singh

10th March, 2015

US-a India ambassador S.Jaishankar chu January thla khan Foreign Secretary atan ruat a ni a, amah thlaktu atan hian Pathianni khan Arun Singh ruat a ni.

Arun Singh hi France rama ambassador hna thawk lai a ni a, 1979 batch IFS officer niin, a hna thar hi a zawm thuai beisei a ni tih Ministry thuchhuah chuan a tarlang.

Prime Minister Narendra Modi chuan thla thar hian France tlawh a tum a, hemi hma chu Arun Singh hi France-ah a awm rih dawn nia sawi a ni bawk.

Singh hi MEA-a Pakistan, Iran and Afghanistan division-ah joint secretary in-charge a ni a, Japan leh Israel-ahte a lo awm tawh a ni.